Saterdag middag het manlief gaan gholf speel saam met van sy gereelde gholf pelle en na die tyd bel hy my om hom te kom haal by die gholfbaan en saam te kuier daar.
Nou die pelle van hom ken my nogals goed en hulle weet waar ek werk en wat ek doen. Terwyl ons daar sit en kuier, sê die een ou vir die barman hy moet vir my 'n "thriple" Brandy en Coke ingooi want 'n dubbel en tripel en hopeloos te min vir my want ek werk vir Hannes* en hy dink dit moes iets vreesliks wees om vir Hannes te werk. Een van die ander ouens chip in en sê hy stem saam, om vir Hannes te werk beteken dat ek stres kan hanteer in die oortreffende trap.
Nou kyk, baie dae is my baas in 'n goeie bui en dan werk ek vreeslik lekker al werk ek onder ongelooflike druk, maar as hy die dag in een van sy volmaan buie is, dan kan jy die druk en stres nie maklik uitstaan nie. Dis net vir my vreeslik interessant dat almal anders kan raaksien wat ek in ons kantoor doen en beteken en hoe hard ek werk en onder watter druk en stres ek werk, maar my eie baas kan dit nie raaksien nie. Al waaroor hy altyd kerm is dat en nie alles gelyk gedoen kan kry nie en die feit dat ek met hom terug praat. Ek het my al hoeveel keer voorgeneem om nie terug te praat nie, maar elke liewe keer nog voor ek my kon kry, dan het ek alweer teruggepraat. Ek kan dit nie help nie.
Maar ek glo daar is 'n doel waarom ek werk waar ek werk. Die doel daarmee sal seker nog eendag aan my bekend word. Dis net jammer dat die woord "dankie" nie in my baas se woordeskat bestaan nie. Dit sou die lewe tog soveel makliker en draagliker gemaak het by die werk.
No comments:
Post a Comment